2017 İyul ayı üçün yerli və xarici kanalların izlənmə statistikası

2017 Iyul ayı üçün yerli və xarici kanalların izlənmə statistikası

İyul ayının nəticələri sayca 4-cü ardıcıl araşdırmamdır. Bundan əvvəl, Aprel, May və İyun ayları üçün yerli və xarici kanalları araşdırmışdım. Nəticələrin mənbəsi haqqında ilk yazımda məlumat vermişdim.

Yerli televiziya xidmətləri operatorlarından birinin İPTV xidməti abunəçiləri arasında TV kanalların izlənmə saatlarına əsasən 200 kanalı yenə 3 əsas kateqoriyaya bölmüşəm: Azərbaycan kanalları, Rusdilli kanallar və Türkdilli kanallar. Bundan əlavə Uşaq kanallarını ayrıca təqdim edirəm.

İyul ayı təbiət qoynunda ən aktiv istirahət baxımından ən münasib aylardan olduğundan ümumiən televiziya kanalların izlənməsi kəskin azalıb. Lakin bina baxmayaraq ötən ayı lideri bu ay da birinciliyi əldən verməyib.

Başda ümumi siyahının lideri ATV olmaqla, yerli kanallarımızın sıralaması belədir:

200 kanallıq sıralamada yeri	Kanalın adı	Ay ərzində izlənmə saatı
1	ATV	21550
4	Xəzər TV	17579
12	AZ TV	8562
18	Space TV	8118
19	ARB TV	6951
25	İctimai TV	5402
27	Lider TV	4824
31	İdman AZ	4267
42	CBC	3273
43	İnter AZ	3257
50	ARB Günəş	2529
52	Mədəniyyət	2452
94	CBC Sport	933

İyul ayı həm xarici həm də yerli kanalar arasında lider ATV Azərbaycan kanalı olub. ATV ötən aya nisbətən təqribən 14462 saat az izlənilərək ümumi 21550 izlənmə saatı toplayıb. Xəzər TV isə 2-ci ən baxımlı Azərbaycan kanalı olaraq ATV-dən bu ay bir qədər fərqlə geridə qalır. Eyni zamanda Xəzər TV ümumi siyahının 4-cü baxımlı TV kanalıdır. Növbəti iki TV kanal, AZTV və Space TV isə ölkənin iki lider TV kanalından dəfələrlə geri qalırlar və iyul ayı demək olar ki, bərabər nəticə göstəriblər. Ötən aya nisbtən Space TV  üçün toplam 8118 kifayət qədər yaxşı nəticə deməkdir. ARB TV isə bir qədər az 6951saat izlənib və demək olar ki, hər ay stabil olaraq ümumi siyahının ilk 20-liyinə düşür. Ümumi siyahının 25-ci, yerli kanalların isə 6-sı isə İyul ayı 5402 saat izlənilən, İctimai TV olub.n Ardınca isə biri birlərində çox az fərq ilə, ardıcıl olaraq, Lider TV, İdman AZ, CBC və İnter AZ TV kanalları qərarlaşır. Yerli kanalların 2017 İyul ayı üçün olan cədvəlinin dibini isə ARB Günəş, Mədəniyyət və CBC Sport kanalları qapayırlar. Xatırladım ki, CBC Sport ötən ay da ən az baxılan yerli kanal olmuşdur. Ehtimal etmək olar ki, Avqust ayından Futbol üzrə Topaz Premyerliqasının başlaması ilı bu kanalın izlənmə saatları artacaq.

Türk kanallarına gəldikdə isə, nəticələr belədir:

200 kanallıq sıralamada yeri	Kanalın adı	Ay ərzində izlənib (saat)
2	Star	18376
5	Show TV	12958
9	ATV Türk	9710
15	Kanal 7	8267
20	TV 8	6888

*Siyhaıda FOX Türk və Kanal D yoxdur. Bu kanallar artıq Azərbaycanda yayımlanmır.

Ötən ay olduğu kimi, Star TV ümumi siyahıda yenə ikincidi, lakin Türk kanalları arasında hələ də liderdir – 18376 saat. İzlənmə saatlarını itirən türk kanalları arasında yeganə fərqlənən kanal bu ay Show TV ol. Kanal ötən ay olduğu kimi, bu ay da demək olar ki eyni nəticə gösətərib, 12958 bununla da xeyli irəliləyib. TV 8 isə geriləməkdə davam edir. Ötən ay ümumi siyahıda 6-cı olan kanal bu il ciddi gerilələyərək 20-ci olub. Türk kanalları arasında isə, 6888 saatla 5-cidir. TV 8 kanalının Maşa və Ayı cizgi filmini türkcə yayımlamağa başlayanda bunun iyul ay müsbət nəticə verəcəyini proqnoz etmişdik, lakin görünür yanılmışıq, türk uşaqlarına bu cizgi filmi o qədər də maraqlı gəlməyib yəqin ki. 3-cü baxımlı türk kanalı isə ATV Türk kanalıdır, 9710 saat. 4-cü isə, Kanal 7, 8267 saat.

Rus kanallarına baxdıqda isə, nəticələr belədir:

200 kanallıq sıralamada yeri	Kanalın adı	Ay ərzində izlənib (saat)
3	Первый	18073
6	НТВ	11329
7	Nickelodeon	9931
8	Россия 1	9819
10	СТС	9651
11	ТНТ	8682

Rus kanalları adətən ayrı ayrılıqda əsas Türk kanallarına nisbətən az baxılsa da bu ay demək olar ki, bərabər nəticə göstəriliblər. Daha dəqiq desək, türk kanallarından fəqrli olaraq rus kanalları geriləməyiblər əksinə daha çox izləniblər. Ən yüksək sıçrayış Nickelodeon kanalında müşahidə olunur. Bu uşaq kanalı 9931 saatla ümumi siyahıda 7-ci, rusdilli kanallardan isə 3-cü olub. 1-ci yer isə yenə də Первый kanalar məxsusdur, 18073 saat və ümumi siyahıda 3-cü yer. Ardınca isə НТВ 11329 saatla ümumisiyahının 6-cısı. Ardınca isə siyahıda 4-cü Rus kanalı, Россия 1-dir, 9819 saat. Daha populyar hesab etdiyim, СТС  və  ТНТ kanalları isə, ümumi siyahıda ardıcıl olaraq 10 və 11-cidilər. Ardıcıl olaraq, 9651 və 8682 saat.

Qeyd etdiyim kimi, Nickelodeon kanalı bu ay çox yüksək nəticə göstərərk ümumi TOP 10-da 7cidir. Qalan uşaq kanalları da TOP-larda olmasalar da hər 3 dil kateqoriyasında  orta yerlərini qoruyurlar. Uşaq kanalların cədvəli belədir:

200 kanallıq sıralamada yeri	Kanalın adı	Ay ərzində izlənib (saat)
7	Nickelodeon	9931
21	Nick Jr	6847
22	Cartoon Net..	5780
28	TRT Çocuk	4775
29	Карусель	4691
33	Disney RUS	4143
50	ARB Günəş	2529
54	Minika Çocuk	2294

Ən baxımlı 8 uşaq kanalları sırasında 5 Rus, 2 Türk və 1 Azərbaycan kanalı var. İyul ayının ən baxımlı uşaq kanalı rusdilli  Nickelodeon olub, 9931 saat. Nick Jr isə, uşaq kanalları sırasında ikincidir, 6847 saat. Burada da türk dilli kanallar bu ay geriləyib, belə ki 3-cü ən baxımlı türkdilli uşaq kananlı TRT Çocuk 4775 saatla bu ay 4-cü olub. TRT Çocuk ötən aykı 3-cü yerini Cartoon Network kanalına verib, 5780 saat. Siyahıda növbəti uşaq kanalları isə müvafiq olaraq 4691, 4143, 2529 saat ilə Карусель, Disney Rus və ARB Günəş qərarlaşıblar. Daha sonra isə 2294 saat ilə Minika Çocuk kanalı yer alır.

İyul ayının nəticələri ilə müqayisədə İyul ayı izlənmə saatlarının artımına görə aşağıdakı 3 kanalı qeyd etmək olar:

Kanalın adı	İyun (saat)	İyul (saat)	Saat fərqi
Nickelodeon	6894	9931	3037
Кинохит	5476	8367	2891
НТВ	8871	11329	2458

İyul ayının nəticələri ilə müqayisədə İyul ayı izlənmə saatlarında geriləməyə görə isə aşağıdakı 3 kanalı qeyd etmək olar:

Kanalın adı	İyun (saat)	İyul (saat)	Saat fərqi
ATV AZ	36012	21550	-14462
Star	25754	18376	-7378
TV 8	12950	6888	-6062

Göründüyü kimi, irəliləmə əsasən rusdilli kanallarda qeydı alınıb, geriləməyə yerli və türk kanalları məruz qalıblar..

Siz də, ən son nəticələrdən məlumatlı olmaq istəyirsinizsə lütfən səhifəmi izləyin.