2017 Avqust ayı üçün yerli və xarici kanalların izlənmə statistikası

2017 Avqust ayı üçün yerli və xarici kanalların izlənmə statistikası

Avqust ayının nəticələri sayca 5-ci ardıcıl araşdırmamdır. Bundan əvvəl, Aprel, May, İyun və İyul ayları üçün yerli və xarici kanalları araşdırmışdım. Nəticələrin mənbəsi haqqında ilk yazımda məlumat vermişdim.

Yerli televiziya xidmətləri operatorlarından birinin İPTV xidməti abunəçiləri arasında TV kanalların izlənmə saatlarına əsasən 200 kanalı yenə 3 əsas kateqoriyaya bölmüşəm: Azərbaycan kanalları, Rusdilli kanallar və Türkdilli kanallar. Bundan əlavə Uşaq kanallarını ayrıca təqdim edirəm.

Avqust ayında İyul ayına nisbətən TV kanalların daha çox izlənməsi qedyə alınıb. Ötən ayların lideri isə ay da dəyişməyib.

Başda ümumi siyahının lideri ATV olmaqla, yerli kanallarımızın sıralaması belədir:

200 kanallıq sıralamada yeri	Kanalın adı	Ay ərzində izlənmə saatı
1	ATV	40001
4	Xəzər TV	34994
9	AZ TV	17952
14	Space TV	16616
19	ARB TV	13936
21	İdman Az	12708
24	İctimai TV	10514
29	Lider TV	8556
42	CBC	6143
45	İnter AZ	5887
51	Mədəniyyət	5043
54	ARB Günəş	3861
76	CBC Sport	2388

Avqust ayı da həm xarici həm də yerli kanalar arasında lider ATV Azərbaycan kanalı olub. ATV ötən aya nisbətən təqribən iki dəfə çox izlənilərək ümumi 40001 izlənmə saatı toplayıb. Xəzər TV isə 2-ci ən baxımlı Azərbaycan kanalı olaraq ATV-ni izləməkdə davam edir. Eyni zamanda Xəzər TV ümumi siyahının 4-cü baxımlı TV kanalıdır. Növbəti iki TV kanal, AZTV və Space TV isə ölkənin iki lider TV kanalından dəfələrlə geri qalırlar və avqust ayı demək olar ki, bərabər nəticə göstəriblər. Ötən aya nisbtən Space TV  üçün toplam 16616 ikiqat irəliləyiş deməkdir. ARB TV isə 13936 saat izlənib və demək olar ki, hər ay stabil olaraq ümumi siyahının ilk 20-liyinə düşür. Ümumi siyahının 24-sü, yerli kanalların isə 6-sı isə Avqust ayı 12708 saat izlənilən, İdman Azərbaycan olub. Ardınca isə biri birlərində çox az fərq ilə, ardıcıl olaraq, İctimai, Lider TV, CBC və İnter AZ TV kanalları qərarlaşır. Yerli kanalların 2017 İyul ayı üçün olan cədvəlinin dibini isə Mədəniyyət, ARB Günəş və CBC Sport kanalları qapayırlar. CBC Sport aqrtıq siyahının sonunu özünə daimi məskan edib. Futbol üzrə Topaz Premyerliqasının başlaması da bu kanalın izlənməsini kifayət qədər artırmayıb.

Türk kanallarına gəldikdə isə, nəticələr belədir:

200 kanallıq sıralamada yeri	Kanalın adı	Ay ərzində izlənib (saat)
3	Star	37321
5	Show TV	26123
8	ATV Türk	18134
13	Kanal 7	16702
22	TV 8	11859

*Siyhaıda FOX Türk və Kanal D yoxdur. Bu kanallar artıq Azərbaycanda yayımlanmır.

Avqust ayı Star TV ümumi siyahıda bir pillə də itirərək üçüncü olub, lakin Türk kanalları arasında hələ də liderdir – 37321 saat. Show TV 26123 saatla öz yerini stabil qoruyur. TV 8 isə geriləməkdə davam edir. Ötən ay ümumi siyahıda 22-ci olan kanal bu ay da 22-ci olub. Türk kanalları arasında isə, 11859 saatla 5-cidir. 3-cü baxımlı türk kanalı isə ATV Türk kanalıdır, 18134 saat. 4-cü isə, Kanal 7-dir, 8267 saat.

Rus kanallarına baxdıqda isə, nəticələr belədir:

200 kanallıq sıralamada yeri	Kanalın adı	Ay ərzində izlənib (saat)
2	Первый	38477
6	НТВ	20538
7	Россия 1	19036
10	СТС	17855
11	Nickelodeon	17361
12	ТНТ	17055

Rus kanalları ötən ay olduğu kimi, bu ay da Türk kanallarına nisbət müsbət göstəricilərə malikdirlər. Show TV-nin 2-ci yerdəlki yerinə də 38477 saatla Первый kanal gəlib. НТВ kanalı isə ümumi siyahıda ötən ay olduğu kimi 6-cıdır, Rus kanallarından isə ikincidir, 11329 saat. Ardınca isə siyahıda 3-cü Rus kanalı, Россия 1-dir, 19036 saat. СТС, Nickelodeon, ТНТ kanalları isə demək olar ki, eyni göstəricilərlə ümumi siyahıda 10, 11, 12-cidilər. Ardıcıl olaraq, 17855, 17361 və 17055 saat.

Nickelodeon kanalı ötən aya nisbətən demək olar ki, iki dəfə çox izlənib 17361 saat lakin ötən aya nisbətən bu ay ümumi siyahıda 7-ci deyil, 11-cidir. Qalan uşaq kanalları da TOP-larda olmasalar da hər 3 dil kateqoriyasında  orta yerlərini qoruyurlar. Uşaq kanalların cədvəli belədir:

200 kanallıq sıralamada yeri	Kanalın adı	Ay ərzində izlənib (saat)
11	Nickelodeon	17361
20	Nick Jr	12988
23	Cartoon Net..	10833
30	TRT Çocuk	8454
25	Карусель	10385
31	Disney RUS	8428

Ən baxımlı 6 uşaq kanalı sırasında 5 Rus, 1 Türk kanalı var. Nickelodeon birinci, Nick Jr isə 12988 saatla ikincidir. 3-cü yeri TRT Çocuk-dan İyul ayı alan Cartoon Network Avqust ayı da 10833 saatla o yeri özünə saxlayıb. 6-lıqın yeganə türk kanalı TRT Çocuk-a isə 8454 saatla ümumisiyahıda 30-cu uşaq kanallarından isə 4-cü yer qalıb. Siyahıda növbəti uşaq kanalları isə müvafiq olaraq 10385, 8428 aat ilə Карусель və Disney Rus qərarlaşıblar.

Avqust ayının nəticələri ilə müqayisədə İyul ayı izlənmə saatlarının artımına görə aşağıdakı 3 kanalı qeyd etmək olar:

Kanalın adı	İyul (saat)	Avqust (saat)	Saat fərqi
Первый	18376	38477	20101
Star	18073	37321	19248
ATV AZ	21550	40001	18451

Siz də, ən son nəticələrdən məlumatlı olmaq istəyirsinizsə lütfən səhifəmi izləyin.